轉帖 [教學] 入墨 / 滲線技巧講座
入墨 (滲線) 一定要用雙星琺瑯油 Enamel Paint (建議用無光澤)，底色一定要用其他油 (罐裝噴油都得)，將琺瑯油開烯到用筆點落去差D滴出黎，直接油落去模型度，唔使怕出界，D油乾左之後用雙星琺瑯油專用溶劑抺走多餘o既油就ok (最好用綿花棒)。有d人會專登抺唔乾淨，或有方向性地抺 eg. 飛機，向機尾方向抺，目的係要做到舊化o既效果。如果要一次性做舊化，你亦可以大面積地全體做入墨 eg. 坦克車 (有人叫呢種方法做洗塗)。不過要小心溶劑留響模型表面時間太長可能會令D膠變質。
砌高達o既我唔建議人用gundum marker，因為佢D黑色唔夠黑，而且有少少光澤，好假...
如果係整車o既 (特別係部車有拉花o既時候)，因為要拋光需要噴多層o既光油，成個車殼D線可能會變淺左，影響入墨效果，可能有需要響上油前刻深D線先。
頁:
[1]