方力申 最憎打尖霸王
(星島日報報道)方力申個性憤世嫉俗，不平則鳴，像他早前無端捲入手機女星裸照風波，遭網民抹黑是他所為，無辜被屈的他即挺身闢謠，以免被愈描愈黑，這麼大件事他固然憤憤不平，但原來小事如排隊打尖的人，他一樣會挺身指責，絕不會因自己是藝人身分便怕生事端而改變自己敢怒敢言的性格。方力申說：「我成日都要返內地工作，最見得多就是過海關時經常有人排隊打尖，我好怕這種人，我一定唔會唔出聲，但通常都會好言相勸叫人排隊，但有好多人都好野蠻，有啲人會扮聽唔到，有啲就會反咬你一口，死撐話自己無打尖，總之就聲大夾惡，我最不屑呢種人，有錯又唔認，最慘這種事無得投訴、無得報警，但我想話畀呢種人知，現時已經係21世紀，唔該文明啲講吓道理，爭先恐後都唔會快得去邊，人人都趕時間，何必做啲咁無謂、又有失身分的事呢？希望大家都做到以禮待人啦！」文：無名火
頁:
[1]