羅馬欲招港將葉頌朗
上屆榮膺「全港學界精英賽」MVP、就讀仁濟醫院董之英紀念中學嘅葉頌朗，去年暑假就獲得球會傑志推薦到意甲球會阿特蘭大受訓，而過程中其出色表現更得到羅馬球探垂青，有意招攬呢位「MadeInHK」嘅學界首席球員！羅馬出手向傑志挖角
接受近兩個月訓練，葉頌朗終學成歸來兼重新開展其學業，但其球會傑志卻收到嚟自意甲勁旅羅馬嘅斟介，希望招攬阿朗成為青年軍，為期一年。球會透露依家傾緊細節上問題，佢絕對有機會成為「羅馬王子」托迪、迪羅斯、阿古蘭尼等意大利國腳嘅「哎吔師弟」！
葉頌朗小檔案
學 校：仁濟醫院董之英
紀念中學（中六）
年 齡：18歲
身 高：1米78
體 重：70公斤
威水史：07年全港學界精英賽
冠軍及MVP
葉頌朗全接觸
難忘韋利
講到令葉頌朗最難忘，當然係可以接觸球星、甚至較技：「嗰陣時咁啱撞正前意大利國腳韋利久休復出，要喺預備組訓練及比賽催谷狀態，所以我先可以近距離接觸呢位國際級球星。」
名宿激讚
唔少本地球壇人士對阿朗都讚不絕口，95年香港足球先生譚兆偉表示︰「我曾經喺一場友誼賽中，接應阿朗放畀我嘅長傳而入波，呢個傳球嘅質素係近十年我所接應最好嘅！」至於傑志領隊朱志光就話︰「無論體格、射門腳頭及命中率，阿朗都係喺同年紀嘅球員當中最出類拔萃。」
<東方日報>
香港人的驕傲!!
頁:
[1]